Kampeni hii ni zao la dhamira ya kweli na ya dhati ya Rais wa Jamhuri ya Muungano wa Tanzania, Mhe. Dkt. Samia Suluhu Hassan, ambaye ameweka wazi kuwa haki ni msingi wa amani, maendeleo na usawa katika jamii.
Lengo la kampeni hii ni moja: kufikisha huduma za msaada wa kisheria kwa kila Mtanzania, hasa wale walioko pembezoni – wakiwemo wanawake, watoto, wazee, watu wenye ulemavu na makundi mengine maalum.
Katika kipindi hiki cha kampeni, wananchi wanapatiwa:
✅ Elimu ya sheria kwa lugha nyepesi na inayoeleweka,
✅ Ushauri wa kisheria bila malipo,
✅ Huduma za kuandika wosia, mikataba na barua za madai,
✅ Usuluhishi wa migogoro kwa njia ya amani.
Takwimu zinaonyesha kuwa zaidi ya asilimia 70 ya Watanzania hawana uelewa wa kutosha kuhusu haki zao za kikatiba na kisheria. Hii imekuwa chanzo kikuu cha migogoro ya ardhi, mirathi, ndoa, ajira na hata unyanyasaji wa kijinsia.
Kampeni hii inalenga kubadilisha fikra na kuondoa dhana kwamba sheria ni kwa ajili ya matajiri tu. Haki ni haki ya kila mmoja – bila kujali jinsia, hali ya kiuchumi, au mahali unapoishi.
Tunahitaji kuwa na jamii inayoheshimu sheria na inayojua haki na wajibu wake. Elimu ya sheria ni njia bora ya kujenga taifa lenye amani na mshikamano.
Hivyo, ninawataka viongozi wa mitaa, vijiji, taasisi za dini, mashirika yasiyo ya kiserikali, walimu, na wanahabari kuwa mabalozi wa kampeni hii. Tusambaze ujumbe wa **"Haki kwa Wote, si kwa Wachache."
Kwa niaba ya Wizara ya Katiba na Sheria, napenda kutoa shukrani kwa wote waliowezesha kampeni hii kufika Kagera. Huu ni mwanzo mpya wa mabadiliko chanya katika upatikanaji wa haki nchini.
Mama Samia ametufungulia mlango wa haki – ni jukumu letu kuupitia kwa nguvu na matumaini. Haki kwa Wote – Sio Ndoto Tena!
