Leo, tarehe 08 Machi 2025 kuanzia saa 3:00 asubuhi, Mkoa wa Tanga unatarajia kushuhudia uzinduzi rasmi wa Kampeni ya Msaada wa Kisheria ya Mama Samia. Kampeni hii inalenga kuwawezesha wananchi, hususan walioko katika mazingira magumu, kupata huduma za msaada wa kisheria bila malipo.
Huduma zinazotolewa kupitia kampeni hii ni pamoja na:
⚖️ Ushughulikiaji wa migogoro ya ardhi – elimu kuhusu umiliki wa ardhi na usaidizi katika kutatua migogoro
⚖️ Migogoro ya ndoa na masuala ya talaka
⚖️ Masuala ya mirathi – mgawanyo wa mali baada ya kifo
⚖️ Ulinzi dhidi ya ukatili wa kijinsia na dhuluma za majumbani
⚖️ Njia mbadala za utatuzi wa migogoro (ADR) – kama vile upatanishi na usuluhishi
⚖️ Elimu ya haki za binadamu na kikatiba kwa jamii
Mgeni rasmi katika tukio hili ni Mkuu wa Mkoa wa Tanga, Mhe. Balozi Dkt. Batilda Burian, ambaye ataongoza hafla ya uzinduzi, sambamba na kuhamasisha jamii kushiriki kikamilifu katika kupata huduma hizi muhimu.
Kampeni hii ni sehemu ya juhudi za Serikali ya Awamu ya Sita chini ya uongozi wa Rais Dkt. Samia Suluhu Hassan, katika kuhakikisha haki inapatikana kwa wote bila ubaguzi.
📍 Usikose kuungana nasi kupitia video hii kufuatilia kila hatua ya tukio hili muhimu.
🔔 Subscribe kwa ajili ya kupata matukio mengine ya kitaifa na elimu ya kisheria kwa jamii.
#MamaSamia #MsaadaWaKisheria #RCBatildaBurian #UzinduziTanga #LegalAidCampaign #HakiKwaWote #MoCLA
