Katika mkoa wa Songwe, wilaya ya Momba, halmashauri ya Momba, kata ya Ivuna, kijiji cha Ivuna, mama mmoja ambaye alitelekezwa na mume wake pamoja na watoto wake amepata furaha baada ya kupatiwa msaada wa kisheria kupitia kampeni ya Mama Samia Legal Aid.
Mama huyo alikumbwa na changamoto kubwa baada ya mume wake kuuza nyumba waliyokuwa wakiishi akiwaacha yeye na watoto wake katika hali ngumu. Hali hii iliwafanya kuishi maisha ya dhiki, huku wakikosa pa kukimbilia au msaada wa kisheria wa kufuatilia haki zao.
Kupitia kampeni ya Mama Samia Legal Aid, ambayo imelenga kutoa msaada wa kisheria kwa watu wanaokumbwa na changamoto mbalimbali za kisheria, mama huyu aliweza kusikilizwa na kupata haki zake. Kampeni hii imeonyesha jinsi inavyogusa maisha ya wananchi wa kawaida kwa kuwapatia msaada wa kisheria unaosaidia kutatua migogoro na changamoto zinazowakumba.
Mama huyo sasa ana sababu ya kutabasamu baada ya kuona haki ikisimama upande wake. Kupitia msaada huu wa kisheria, amerejeshewa matumaini ya maisha bora kwa ajili yake na watoto wake. Kampeni ya Mama Samia Legal Aid inazidi kuwa nuru kwa wananchi wengi wanaopitia changamoto kama hizi.
Tukio hili linadhihirisha dhamira ya dhati ya Serikali ya Awamu ya Sita chini ya uongozi wa Rais Samia Suluhu Hassan katika kuwahudumia wananchi na kuhakikisha haki inapatikana kwa wote. #MSLAC #Katibanasheria #SSH #CCM #KaziIendelee #Nchiyangukwanza #SisiniTanzania #matokeochanya @samia_suluhu_hassan @IkuluMawasiliano
